1. GR. ALMENNT

Neytendur eru hvattir til þess að lesa skilmála þessa vandlega áður en þeir versla í vefverslun V.M. ehf ehf., www.bestseller.is. 

Um notkun vefsíðu og vefverslunar V.M. ehf. gilda skilmálar þessir. Með því að nota vefsíðu og vefverslun V.M. ehf. samþykkir og viðurkennir neytandi að hann hafi kynnt sér, skilið og samþykkt, án fyrirvara, skilmála þessa, eins og þeir eru á hverjum tíma.

V.M. ehf., kt. 650748-0539, er með einkarétt á innflutningi og sölu á vörum Bestseller á Íslandi. Skrifstofa félagsins er staðsett að Gilsbúð 5, 210 Garðabæ. Virðisaukaskattsnúmer 37052. Símanúmer er 575 4000. Skrifstofan er opin frá kl. 9 - 17 alla virka daga. Ef þú hefur einhverjar ábendingar um vefverslun eða verslanir Bestseller í Kringlunni, 4-12, 103 Reykjavík, eða Smáralind, Hagasmára 1, 201 Kópavogi, biðjum við þig um að senda okkur tölvupóst á netfangið bestseller@bestseller.is. 

Sért þú undir 16 ára aldri viljum við vekja athygli þína á að nauðsynlegt er að þú og forráðamenn þínir kynnið ykkur skilmála þessa áður en þú skráir þig inn á síðuna. 

V.M. ehf. áskilur sér rétt til að breyta reglum og skilmálum þessum án fyrirvara.

            

2. GR. VERÐ

Öll verð á síðunni eru birt með fyrirvara um prentvillur.

V.M. ehf. áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir fyrirvaralaust. Þetta á einnig við ef um villur í reiknireglum vefverslunar er að ræða.

    

3. GR. VÖRUR TIL EINKANOTA

Vörurnar í vefverslun V.M. ehf. eru eingöngu til persónulegra nota. Undir engum kringumstæðum er heimilt að stunda endursölu á vörum V.M. ehf. án tilskilinna leyfa. V.M. ehf. áskilur sér rétt til að stöðva afgreiðslu pantana eða halda eftir hluta þeirra ef talið er að þær brjóti í bága við þessa skilmála.

      

4. GR. NÁKVÆMNI UPPLÝSINGA

Reynt er eftir bestu getu að hafa réttar upplýsingar og vörumyndir í vefverslun. Upp geta komið tilvik þar sem um minniháttar litamun eða umbúðamun getur verið að ræða. Að öðru leyti eru upplýsingar birtar með fyrirvara um innsláttarvillur eða minniháttar uppfærslutafir.

     

5. GR. GREIÐSLULEIÐIR

Hægt er að inna greiðslu af hendi með greiðslukorti, Pei eða Netgíró. V.M. ehf. er eigandi vörunnar þar til andvirði hennar er að fullu greitt.

Bestseller.is notar örugga greiðslugátt frá Borgun á Íslandi.

Þegar greitt er með Netgíró þarf að skrá sig inn á heimasíðu Netgíró með kennitölu og lykilorði. Þegar gengið hefur verið frá kaupum, mun reikningur frá Netgíró birtast í netbanka með allt að 14 daga vaxtarlausum greiðslufresti.

Til að greiða með Aukakrónum Landsbankans skal velja greiðslukort og slá inn upplýsingar úttektarkorts Aukakróna líkt og um venjulegt greiðslukort væri að ræða.

   

6. GR. HEIMSENDING OG FERILL PANTANA

Þegar neytandi verslar í vefverslun V.M. ehf. er hægt að fá pöntunina heimsenda.

Þegar valið er að fá vöruna heimsenda eða á næsta pósthús er sendingartími að jafnaði 3-5 virkir dagar. Sendingartími er mismunandi eftir því hvar neytandi býr.

Meginregla að allar pantanir sem koma fyrir miðnætti daginn áður eru settar í póst daginn eftir.

Pósturinn keyrir út allar pantanir. Heimsending er einungis í boði á þeim svæðum sem Pósturinn býður upp á. Nánari upplýsingar má finna á postur.is.

Heimsending er einungis í boði innanlands.

Að ákveðnum skilyrðum uppfylltum er frí heimsending. Annars er greitt samkvæmt gjaldi sem bætist við í greiðsluferli.

     

7. GR. SKILAFRESTUR

Neytandi hefur 30 daga til að hætta við kaupin að því tilskildu að hann hafi ekki notað vöruna og henni sé skilað í upprunalegu ástandi í óuppteknum umbúðum. Ef vara er innsigluð má ekki rjúfa innsiglið, hyggist neytandi nýta sér skilarétt sinn.

Fresturinn byrjar að líða þegar varan er afhent neytanda. Kvittun fyrir vörukaupunum þarf að fylgja með. Kostnaður við að skila vörunni, s.s. sendingarkostnaður, greiðist af neytanda. Neytandi er sá sem skráður er sem slíkur á reikningi.

     

8. GR. GALLI

Ef neytandi kaupir gallaða(r) vöru(r) í vefverslun V.M. ehf. er boðið upp á viðgerð, nýja(r) vöru(r), afslátt eða endurgreiðslu kaupverðs. Neytandi er einstaklingur sem verslar í vefversluninni í eigin þágu en ekki í þágu atvinnurekstrar. Það fer eftir atvikum og eðli gallans hvaða leið er valin hverju sinni. Um rétt neytandavegna galla vísast til laga um neytendakaup nr. 48/2003. Varðandi rétt fyrirtækja og einstaklinga sem versla í vefverslun V.M. ehf. í þágu atvinnurekstrar vísast til laga um lausafjárkaup nr. 50/2000.

     

9. GR. MEÐFERÐ PERSÓNUUPPLÝSINGA

Þegar neytandi verslar vöru(r) í vefverslun V.M. ehf. þarf að gefa upp kreditkortaupplýsingar og aðrar persónuupplýsingar, þ.e. nafn neytanda, heimilisfang, búsetuland, símanúmer og netfang. Með því að skrá sig í meðlimaklúbb Bestseller á Íslandi í gegnum vefsíðu V.M. ehf., og kaupum á vöru(m) í vefverslun félagsins samþykkir neytandi slíka söfnun persónulegra upplýsinga. Ef neytandi hefur ekki skráð sig í meðlimaklúbb Bestseller á Íslandi í gegnum vefverslunina mun V.M. ehf. safna sömu upplýsingum og að framan greinir í þeim tilgangi að hægt sé að klára pöntun á vöru(m) í gegnum vefverslunina. 

Þegar neytandi skráir sig á póstlista V.M. ehf. fer netfang neytanda á póstlista. Hægt er að afskrá sig af póstlista V.M. ehf. með því að smella á vefslóð í tölvupósti sem sender á netfang neytanda. 

V.M. ehf. fer með allar persónuupplýsingar af ýtrustu varúð og sem algjört trúnaðarmál.

Upplýsingar frá neytanda verða ekki afhentar né seldar þriðja aðila undir neinum kringumstæðum. 

Upp geta komið tilvik þar sem V.M. ehf. þarf á aðstoð þriðja aðila til að veita ákveðna þjónustu. Í slíkum tilvikum getur félagið þurft að deila persónuupplýsingum með þriðja aðila til að það fyrirtæki geti veitt V.M. ehf., og á endanum neytanda, þjónustu. Má sem dæmi nefna vinnslu á debet- og kreditkortafærslum fyrir V.M. ehf. Einnig þarf félagið að láta flutningsaðila fá heimilisfang og símanúmer svo að hann geti sent vöru(rnar) heim til neytanda. V.M. ehf. hefur einnig gert samning við þriðja aðila um skýjaþjónustu en hún er netþjónusta sem gerir félaginu kleift að nota hugbúnað og tæki hjá skýjaþjónustunni. Slík þjónusta felst m.a. í því að varðveita upplýsingar í netþjónum og veflausnum. Slíkir þjónustuaðilar hafa í gildi viðeigandi stefnur og verkferla til að tryggja að upplýsingar sem þeir meðhöndla séu varðveittar með öruggum hætti hverju sinni.

V.M. ehf. takmarkar persónuupplýsingar sem þriðja aðila er veitt og eru slíkar persónuupplýsingar aðeins veittar í þeim tilgangi að veita neytanda slíka þjónustu. V.M.  ehf. veitir slíkum þriðju aðilum strangt eftirlit til að tryggja friðhelgi viðskiptavina sinna. 

V.M. ehf. notar myndavélaeftirlit í verslun sinni. Upptökurnar eru geymdar í dulkóðuðum skrám í allt að 90 daga og þeim eytt eftir það. Ef þær tengjast rekstri máls fyrir dómstólum þá eru þær hugsanlega geymdar lengur.

Greiðsluupplýsingar eru ávallt sendar um örugga greiðslusíðu sem hlotið hefur vottun. 

Öll meðhöndlun persónuupplýsinga þeirra sem neytandi gefur V.M. ehf. er í samræmi við gildandi lög um persónuvernd og meðferð persónuupplýsinga eins og þau eru á hverjum tíma. Persónuupplýsingum er fyrst og fremst safnað til þess að hægt sé að versla í vefversluninni og bæta þjónustu við neytanda. 

Með því að nota vefsíðu og vefverslun V.M. ehf. veitir neytandi ótvírætt samþykki sitt og viðurkennir vinnslu og skrá V.M. ehf. á persónuupplýsingum sínum.

    

10. GR. VAFRAKÖKUR (E. COOKIES)

"Cookies“ eða vafrakökur eru upplýsingar sem vefforrit neytanda geymir í tölvu hans að beiðni netþjóna. V.M. ehf. notar þessar upplýsingar m.a. til að bera kennsl á notandann og vita hversu oft hann heimsækir vefsíðuna/vefverslunina, hvað neytandi setur í körfuna sína, hvernig fyrri pantanir neytanda voru og til að kynna neytanda fyrir vörum sem gætu vakið áhuga.

Vafrakökurnar eru hannaðar til að þjóna þörfum neytanda og notar V.M. ehf. vefkökur aðallega til að gera vefsíðuna og vefverslunina ánægjulegri í notkun fyrir neytandann og bæta hans upplifun.

Vafrakökurnar eru ýmist notaðar fyrir tilteknar þjónustuleiðir eða til þess að safna tölfræðilegum upplýsingum til að bæta vefsíðu V.M. ehf. Sumar vafrakökurnar eru tímabundnar og hverfa því þegar notandinn fer af vefsvæðinu en aðrar haldast lengur inni. Viðvarandi vafrakökur vistast á tölvu notandans og muna val og/eða aðgerðir hans á vefsvæðinu og muna því fyrri aðgerðir til að gera notandanum auðveldara fyrir að vafra um vefsvæðið.  Að auki eru notaðar staðbundnar vafrakökur sem eru tengdar tilteknum markaðsherferðum og hverfa þegar herferðunum lýkur.

Flestir vafrar eru stilltir þannig að þeir taka sjálfvirkt við vafrakökum en hægt er að stilla þá þannig að neytandi þurfi að samþykkja hvert tilvik. Enda þótt neytandi kjósi að leyfa ekki vafrakökur getur neytandi samt sem áður notað flest alla hluta vefsíðu V.M. ehf., þar á meðal verslunarkerfið. 

V.M. ehf. notar Google Analytics frá Google og Facebook Pixels til vefmælinga. Við hverja komu inn á vefsvæðið eru ýmsum nafnlausum upplýsingum safnað saman og þær sendar V.M. ehf., t.d. frá hvaða vefsvæði er komið, tími og dagsetning komu á vefsvæðið, leitarorð sem notað var og gerð vafra og stýrikerfis. V.M. ehf. notar þessar upplýsingar svo til að gera endurbætur á vefsvæði sínu notendum sínum til hagsbóta. Google Analytics og Facebook Pixels nota sínar eigin kökur en V.M. ehf. áskilur sér rétt til að birta notendum vefsvæðisins og klúbbmeðlimum auglýsingar í gegnum endurmarkaðssetningarkerfi Google Analytics og Facebook Pixels. Upplýsingarnar eru skráðar með aðstoð vafrakaka og geta þeir sem ekki vilja sjá slíkar auglýsingar slökkt á notkun þeirra.

Með því að nota vefverslun V.M. ehf. samþykkir neytandi að V.M. ehf. safni upplýsingum sjálfkrafa með vafrakökum.

Nánari upplýsingar varðandi eyðingu eða stjórn á vafrakökum er að finna á
http://www.aboutcookies.org.uk/. Möguleikar neytanda á notkun vefsíðu V.M. ehf. gætu takmarkast við slíkar breytingar.

    

11. GR. LÖG OG VARNARÞING

Skilmála þessa ber að túlka í samræmi við íslensk lög. Rísi mál vegna skilmála þessa skal það rekið fyrir héraðsdómi Reykjaness. Að öðru leyti en að ofan greinir gilda um skilmála þessa ákvæði gildandi laga um persónuvernd og meðferð persónuupplýsinga (nú nr. 77/2000), ákvæði laga um neytendasamninga nr. 16/2016, ákvæði laga um lausafjárkaup nr. 50/2000 eftir því sem við getur átt og ákvæði laga um neytendakaup nr. 48/2003. Allir frestir sem neytendur eiga rétt á í lögum um neytendasamninga byrja að líða þegar móttaka vöru hefur átt sér stað.

    

ENDURGREIÐSLA / SKILAREGLUR

   

UPPLÝSINGAR UM SELJANDA

V.M. ehf
kt. 650478-0539
Gilsbúð 5
210 Garðabær
s. 575-4000
bestseller@bestseller.is
VSK - númer: 37052